Gintambungan sang madamo nga tumuluo ang Pasyon ni Kristo 2026 sa banwa sang President Roxas.
Ang nasambit nga akitibad amo ang pagpahayag sang mensahe sang Paghigugma ni Hesus rason sang iya pagsakripisyo sa pagtubos sang mga sala sang tawo paagi sa pagpalansang sa krus.
Ini ang ginakabug-usan sang 14 tanan ka istasyon kun sa diin ginapakita ang mga inagyan ni Hesus sa iya pagkalansang sa krus, pagkamatay kag pagkabanhaw.
Nahibaluan nga , 51 na ka tuig nga ginapatigayon ang Pasyon ni Kristo sa nasambit nga banwa nga nangin debosyon naman sang mga pumuluyo ang mag-upod kag maglantaw sa kada tuig.
Makabig man ini nga isa ka visual catechesis para sa mga kabataan nga bangud sa moderno nga panahon, amat-amat na nga nalimtan ang simbolo sang Semana Santa.
Ang Pasyon ni Kristo ang isa ka pahanumdom subong nga semana santa nga magpamalandong, magpangamuyo, magpatawad kag dumdumon nga mangin isa ka mayo nga tinuga.
