Ginbawian sang hulam nga kabuhi ang 17-anyos nga Chinese badminton player matapos nga nag-collapse sa court kadungan sang international tournament sini sa Indonesia.
Ginkilala ang biktima nga si Zhang Zhijie nga kalakip sang national youth team sang China.
Natabo ang insidente kadungan sang sambuwa sini sang tinalikdan nga Hunyo 30, batuk kay Kazuma Kawano sang Japan sa Asia Junior Championships sa Yogyakarta.
Yara na ang score sa 11-11 sa una nga game sang hinali nalang nga natumba si Zhang. Gilayon ini nga gindapatan sang nagakaigo nga pagbulong sa venue kag gilayon nga gindala sa ospital apang ginbawian ini sang kabuhi.
Indi pa maathag kun ano ang nangin rason sang gulpi sini nga kamatayon.
Suno sa nangin pahayag sang Badminton Asia kag Badminton Association of Indonesia (PBSI), “China’s Zhang Zhijie, a singles player, collapsed on the court during a match in the evening, He was sent to the hospital where he passed away at 23:20 local time yesterday. He was attended to by the tournament doctor and medical team. He was taken in the standby ambulance in less than two minutes and sent to hospital.”
Dugang pa sini “The world of badminton has lost a talented player. At present the local hospital has not yet identified the cause of death”.
Ang team tournament sa city of Yogyakarta ang nagpatigayon man sang moments of silence sang tinalikdan nga Lunes kag nagsuksok ang Chinese team sang itom nga armbands bilang marka sang ila pagrespeto sa nasambit nga biktima.
