ROXAS CITY – Gina-validate na sa karon sang Department of Social Welfare and Development (DSWD) Region 6 ang alegasyon sang isa ka pamilya nga nalakip sa listahan sang Social Amelioration Program (SAP) beneficiaries ang ila himata nga madugay na nga napatay sa Brgy. Bugo, San Remegio Antique.
Base sa post sa Facebook ni Lily Victoriano, ginbuyagyag sini nga napulo na katuig nga napatay ang utod sini nga si Eden Victoriano apang suno diri nga nalakip sa gihapon ini sa benepisyaryo sang nasambit nga ayuda.
Sa post ni Victoriano, ginpakita pa sini ang lulubngan sang iya utod nga napatay.
Naglahog pa ini sa iya post nga kasubong ginapabangon niya ang iya napatay nga utod agud magkuha sang amo nga ayuda.
Samtang gina-validate na sang DSWD kung matuod ang pahayag sang ginang ukon nagsala lang sa paglakip ang mga barangay officials sa pangalan sang nasambit nga persona.
