Nagsaka na sa 16 ang nareport nga patay bangud sa paglaslas sang Hurricane Milton sa Florida, USA.
Anum ang napatay sa St. Lucie County, apat sa Volusia County, duha sa Pinellas County, kag tag-isa sa Hillsborough, Polk, Orange kag Citrus counties.
Nagapabilin man nga 2.5-million ka nga balay kag negosyo ang ligom-dulom sa gihapon bangud sa epekto sang pagbinaha kag mabaskog nga hangin nga nag-utod sang suplay sang kuryente.
Nagapadayon pa subong ang rescue operations sa pila ka areas.
Base sa inisyal nga estimates, posible nga magdangat man sa $175 billion ukon P10.02-trillion ang ibilin sini nga balor sang halit.
Nahibaluan nga duha ka semana ang nagligad, naglaslas man si Hurricane Helene nga nagbilin sang 237 ka mga patay sa southeast sang US lakip na sa Florida.
