Nakakuha sang Outstanding Asian Star award ang aktor nga si Paulo Avelino sa Seoul International Drama Awards pagkatapos nga nagpanguna sa pagboto, nga ginpabaskog sang suporta sang iya mga fans.
Nakuha ni Avelino ang 43.63% sang kabug-usan nga boto agud madala pauli ang prestihiyoso nga kadungganan.
Kasunod sang iya kadalag-an, gilayon nga nagpabutyag sang pagpasalamat ang aktor sa mga supporters nga wala sang kakapoy nga nagboto sa iya.
Suno kay Avelino, dako ang iya pag-appreciate sa tion kag panikasog sang iya mga fans kag nagapasalamat sa solid nga suporta nga ila ginahatag sa iya career.
Samtang nagpalab-ot man sang pagpasalamat si Anne Curtis sa mga nagsuporta sa iya sa pagboto.
Gin-engganyo man niya ang iya mga fans nga likawan ang negatibo kag sa baylo magkoncentrate sa positibo nga enerhiya.
