DUMARAO, CAPIZ- Ginransak sang wala pa matumod nga mga kawatan ang isa pawnshop nga nahamtang sa Brgy. Poblacion Ilaya banwa sang Dumarao sang tinalikdan nga Lunes, Oktubre 20.
Sa interview sang Bombo radyo kay Police Lieutenant Russel Husmalaga, Deputy Chief of Police sang Dumarao Municipal Police Station, iya ginpahayag nga base sa imbistigasyon nga ila ginpatigayon, nakit-an sa Closed-Circuit Television (CCTV) nga yara sa tatlo ka mga indibidwal ang nagsulod sa amo nga pawnshop.
Suno kay Husmalaga, ginguba sang mga ini ang emergency exit agud nga makasulod. Ginguba man sang mga ini ang alarm system ka gang volt.
Natigayon nga mataban ang unod sang vault nga cash nga nagabalor sang 1.7 million, alahas nga nagabalor sang 2.6 million kag 1,700 nga US Dollar.
Pahayag nya, may posibilidad nga indi lang sang tatlo ka mga indibidwal ang nagpangawat, kundi may yara pa ini sang upod nga posible amo ang lookout.
Dugang pa sang natungdan, ginatinguhaan sang ila nga talatapan nga matumod ang amo nga mga indibidwal agud nga mapasabat sa pagpangawat nga ila nga ginhimo.
Interviewed by Bombo Francis Biñas
