PB Aninang, ginklaro nga wala sang iban nga buot silingon ang ila pagpangape kaupod ang alkalde sang syudad

ROXAS CITY – Ginklaro ni Punong Barangay Manuel ‘Bongbong’ Aninang sang Barangay Olotayan, nga wala sang iban nga buot silingon ang ila pagpangape kaupod si Roxas City Mayor Ronnie Dadivas  kundi isa lamang ka ordinaryo nga pagsugilanon.

Mahibaluan nga kaupod sang alkalde sanday PB Aninang iban pa nga mga Punong Barangay, Liga President kag Paolo Roxas nga nagpangape kag naghinala sang damlag lang.

Suno kay PB Aninang, dako nga prebelihiyo sa ila bilang amay sang barangay nga ginapadulungan sang alkalde agud ipalab-ot nga handa ini magserbisyo sa premiro distrito bilang congressman kag magluwas sina wala na sang iban pa nga nangin topiko ang ila pagkitaay.