-- ADVERTISEMENT --
ROXAS CITY – Ginpahanugutan na ni Punong Barangay Ferdinand Bacanto nga maka-ani sang ila patubas ang mga Agrarian Reform Beneficiaries (ARBs) sa duta nga ginapanag-iyahan pa ni Nemecio Tan.
Pahayag ni PB Bacanto, nagsumiter na ang mga benepisaryo sang iya napangayo nga dokumento kaupod ang sertipikasyon sang survey plans kag deposit.
Suno diri, wala man ginadumilian ang pag-ani kun umpisa palang nag-comply na ang mga ARBs sang iya ginapangayo.
Ginklaro sini nga palay lamang ang mahimo nila nga ma-ani kag nagakinahanglan naman ini liwat sang letter of request kag CLOA pananglitan luyag nila mag-ani sang tubo.
