Ginsiling ni Punong Barangay sang Barangay Culasi nga si Bermie Barrientos nga nagikan sa Antique ang duha ka stryo box nga mga isda.
Matandaan, dakop ang duha ka indibidwal matapos makuhaan sang kapin 90 kilograms sang mga nanari-sari nga isda sa Libas Port, Brgy. Libas, Roxas City.
Natigayon ang mga ini nga madakpan, pinaagi sa gintingub nga pwersa sang 4th Special Operations Unit, PNP Maritime Group, kaupod ang Capiz MARPSTA.
Suno kay PB Barrientos, mangin sila nga mga broker sa amu nga dulungkaan wala nakahibalo nga pinalukpan ang mga isda nga dala sang driver kag pahenante.
Mahibaluan nga mabakal lamang kun tani ang mga nadakpan sang isda sa amu nga dulungkaan sang natabo ang amu nga operasyon.
Kaso nga paglapas sa Section 126 of Republic Act 10654 (Possessing, Dealing in or Disposing Illegally Caught or Taken Fish) ang mga nadakpan.
Sa karun, yara na ang mga ini sa kustodiya sang Roxas City Police Station para sa nagakaigo nga disposisyon.
