ROXAS CITY – Aminado si Punong Barangay Nestor Buenviaje nga wala pa matapna ang mga naga-engage sa iligal nga droga sa Brgy. Punta Tanbuc, Roxas City.
Sa interview sang Bombo Radyo kay PB Buenviaje, ginpahayag sini nga indi maubos-ubos ang nagaduso sang iligal nga droga sa pihak sang mga tikang nga ginahimo sang barangay kaangay nalang sang pag-roving sang mga tanod ilabi na kun gab-i.
Dugang pa sini nga indi man nila makontrol ang mga pangayaw nga nagaguwa-pasulod sa ila barangay bangud ang iban indi man masiling nga durugista bangud naga-rason nga may ginkadtuan lang ukon naglabay lamang sa ila barangay.
Sa pihak sini, ginpasiguro ni Buenviaje nga ginahimo man sini ang obligasyon bilang opisyal sang barangay nga mapangapinan ang mga pumuluyo sa mga iligal nga buluhaton.
