ROXAS CITY – Ginpakigbahin ni Punong Barangay Nestor Buenviaje sang Barangay Punta Tabuc, nga may yara ini nga nakumpiskar nga mga boga nagikan sa iya mga pumuluyo kadungan sa pagselebrar sang holiday season.
Sa interview sang Bombo Radyo kay PB Buenviaje, ginpahayag sini nga base sa iya paglibot sa lugar kadam-an sa iya mga nakikit-an kag nadakpan nga nagagamit sini ang mga kabataan nga nagapang-edaron sang 10-15-anyos.
Suno sa Punong Barangay nga sarang na makahimo sang boga ang mga kabataan kabangdanan nga sa pihak sang pagsuway sang mga ginikanan wala ini ginasunod.
Mahibaluan nga sa pagsugod pa lamang sang Disyembre hugot na nga ginapahanumdum kag ginadumilian ang publiko nga magamit sang anu man nga sahi sang palupok agud malikawan ang indi maayo nga insidente.
