ROXAS CITY – Ginklaro ni Punong Barangay Albert Calipayan nga may mandu nagikan sa City Planning Division kag City Social Welfare and Development Office (CSWDO) ang pagpatigayon sang inspeksyon sang mga barangay officials sa Angelville Subdivision sa Barangay San Jose, Roxas City.
Suno kay Calipayan nga katuyuan sang ial pagpatigayon sang inspeksyon kag mapping agud mahibaluan ang mga pumuluyo nga naga-istar sa nasambit nga housing unit.
Ginpanindugan ni Calipayan nga nakamuno ini kay Mr. Roderick Dela Cruz, presidente sang Roxas City Disaster Victims Association nga ginreklamo siya ni Mr. Reden Dela Rosa bangud ginaalegar ginbaligya sini ang isa ka housing unit sa balor nga P4,200.
Samtang suno naman kay Barangay Kagawad Richard Blancaflor nga wala sang kamatuoran nga ginpahog sini si Mr.Dela Cruz bangud ginsaway lamang niya ini.
Matandaan nga nagpalab-ot sang reklamo si de la Cruz sa opisina ni Mayor Ronnie Dadivas matapos nga ginpahog ini sang mga opisyales sang Barangay San Jose.
