ROXAS CITY – Luyag sa karon sang mga residente nga ibalik ang mga barangay tanod agud magbantay sa mga nagasulod nga mga indibidwal sa Jumaguicjic Ville, Barangay Jumaguicjic, Roxas City.
Kasunod ini sang pagkaaresto sang tatlo ka mga drug suspect sa nasambit nga lugar.
Ini ang ginpahayag ni Punong Barangay Ligaya Condez sang mainterview sang Bombo Radyo.
Bangud diri, istrikto nga ipatuman ang “log-in” kag “log-out” agud mamonitor ang mga salakayan nga nagasulod sa Jumaguicjic Ville.
Ginpahayag pa ni Condez nga mas pasangkaron pa nila ang seguridad sa nasambit nga lugar.
Apang antis ini ipatuman magapatigayon sang pagsinapol ang nasambit nga opisyal sa mga residente sang Jumaguicjic Ville agud may yara sang kasugtanan natuhoy sa mga balayran nga una na nabutang sa kontrobersiya.
