ROXAS CITY – Ginklaro ni Punong Barangay Dominador Ortiz sang Barangay Buri, Tapaz Capiz nga indi mga grupo sang rebelde ang 12 tanan ka mga indibidwal nga nagpadulong sa Calinog PNP kung sa diin ginapahayag nagsungka.
Sa interview sang Bombo Radyo PB Ortiz, ginpahayag sini nga nagpacleared lamang sa kapulisan ang 12 ka mga persona kung sa diin 4 sa mga ini ang kababainhan kag 8 ka mga lalaki.
Suno pa diri nga siya ang ginabasol sang mga pamilya, matapos naglapta ang impormasyon nga rebelde ang mga ini kag subong na lamang ang ila kahadlok nga nabatyagan.
Matandaan sang damlag lang, naglupok ang huring-huring nga may 12 ka mga indibidwal ang boluntaryo nga nagsungka sa Calinog Municipal Police Station kung sa diin ginaalegar mga supporters sang New People’s Amry (NPA) kag lunsay mga residente sang Barangay Buri, Tapaz, Capiz.
