ROXAS CITY – Ginpakigbahin ni Punong Barangay Ricky Donato sang Barangay Mongpong nga wala siya sang political color nga ginasunod sa subong nga tion.
Sa interview sang Bombo Radyo kay PB Donato, ginsiling sini nga ang eleksyon isa lamang ka numero kag indi sukatan kung anu ang imu sarang mahatag kag mabulig sa imu nasakupan.
Ini ang kadungan sang mainit nga ginahinalaan sa karun may kaangtanan sa pagsaylo sang iban nga mga Punong Barangay sa pula nga grupo nagikan sa linyada ni Roxas City Mayor Ronnie Dadivas.
Suno kay PB Donato, may yara sang tagsa-tagsa ka mga desisyon ang kada isa gani para sa iya kung anu man ang desisyon sang kaangay niya amay sang barangay indi na kun tani paghilabtan pa.
Mahibaluan nga nagdaog ang nasambit nga Punong Barangay sadtong tinalikdan nga eleksyon nga yara sa idalum sang pula nga grupo kung sa diin tubtob subong hugot nga ginapanindugan nga indi maghalin sa amu nga linyada.
Dugang pa sini nga apisar yara sa magkatuhay nga grupo wala lang kun tani sang lainay sang buot.
Ginpahayag man ni PB Donato nga apisar wala siya sa grupo sang alkalde, nagasunod sa gihapon ini sa mga pagsulundan kag ordinansa nga ginapatuman sa syudad kag ginklaro sini nga wala siya sang may nakit-an nga problema sa pagdumala sini sa syudad, bangud sa pagkamatuod suno diri nga makit-an sang tanan kung anu ang dako nga pagbag-o sang syudad sumugod nagpungko ang subong nga administrasyon.
