Ginsabat sang Punong Barangay sang Barangay Dumulog ang reklamo sang isa ka pumuluyo may kaangtanan sa ginapahayag wala paghatag sang bugas nga ginapanagtag.
Sa nangin pahayag ni Punong Barangay Stephen Medina, nagpadulong ang amo nga mga persona sa ila nga Barangay Hall agud nga magclaim sang bugas apang wala sini nahatag bangud wala ini sang ticket nga ginpresentar.
Suno pa nga disyembre 27 pa lamang nagsugod na sa pagpanagtag sang bugas sa Barangay kag nagbilin naman ang Punong Barangay sa mga BHW nga ipalinton sa mga pumuluyo nga magpadulong sa ila talatapan agud mahatagan sang ticket para makabaton sang nasambit nga bugas bangud 3 lamang ka adlaw ang ginhatag nga tion sang dswd nga magpanagtag sang bugas sa ila barangay.
Dugang pa ni PB Medina nga disyembre 27,28 pa lamang nagpanagtag na ini kag nagresume ini sang enero 2 tubtob 3 bangud sa pagsug-alaw sang bag-ong tuig Una nga adlaw pa lamang nagpanghatag na ini sang ticket agud nga makakuha gid sang amo nga bugas apisar pa nga maatrasar sini magkadto sa barangay.
Apang ang pamilya sang tagreklamo ang wala gilayon nagpadulong sa barangay sa rason nga busy ang mga ini kag wala ini sang ipakita nga ticket agud makakuha sang bugas. Pahayag pa sang Punong Barangay nga gin-eksplekar man sini sang insakto ang rason kun ngaman indi mahimo nga mag release sang bugas bangud ang tanan nga mga bugas nga subra ang ginpull out na sa ila barangay kag ginbalik sa dswd.
Gani, sabat ni Medina nga wala sila sang dapat nga basulon bangud sila ang nagapa-awat-awat kag wala sini ginalaktan sang pamulitika ang pagpanagtag sang bulig sa mga pumuluyo.
