Ginkumpirmar ni Punong Barangay Erwin Oroceo sang Barangay Baybay nga madamo sang pumuluyo nga nagaistar malapit sa airport bypass road ang nagareklamo bangud ginahimo nga ilimnan sang pila ka indibidwal ang amu nga lugar.
Suno kay PB Oroceo sang ma-interview sang Bombo Radyo nga isa sa mga reklamo nga iya nabaton amu nga ginahimo nga ilimnan ang nasambit nga lugar rason nga indi makapahuway sang timprano ang mga pumuluyo.
Dugang pa sini nga laban pangayaw ang nagatambay kag nagainom sa amu nga lugar kag kun kaisa may ara pa mga menor de edad.
Pahayag pa ni Oroceo nga may tion nga indi lang basura ang narekober sang mga naga-roving nga BPAT kundi kun kaisa mga drug paraphernalias.
Panugyan sini sa mga ginikanan nga masami itsekyar ang ila mga kabataan ilabi na mga menor de edad bangud wala sang iban nga balasulon kun madakpan ang mga ini.
Ginahinyo man sini sa mga pumuluyo nga magbulig sa mga Barangay opisyal agud mapalayo sa katalagman ang tanan ilabi na ang mga kabataan.
