Indi maitago sang pamunuan sang Philippine Basketball Association (PBA) ang kasubo sa pagka-ulamid sa pagpalupok sang armas luthang ni NorthPort guard John Amores sa Lumban, Laguna.
Ginpahayag ni PBA commissioner Willie Marcial nga indi na sila maghatag sang anuman nga komento bangud ginsalig na lamang nila ini sa mga kapulisan.
Tikom naman ang bibig ni Marcial kun may yara man sila igahatag nga penalidad kay Amores ukon dalayon na nga kakason sa PBA.
Naatubang sa kaso nga attempted murder si Amores bangud sa pagpamusil kay Lee Cacalda matapos nga madayaan sini sa hampang nga basketball sa Barangay Maylatang Uno, Lumban, Laguna.
Sining Huwebes sang aga man nagsungka si Amores kaupod ang 20-anyos nga utod sini nga nakita nga nagamaneho sang motorsiklo.
Bangud wala sang napilasan sa insidente desidido ang biktima nga kasuhan sang dalayon si Amores.
