Ginsiguro sang PBA nga gilayon nila nga pagasundon ang desisyon sang Games and Amusement Board (GAB) nga tayuyon nga pagkansela sang playing license ni NorthPort shooting guard John Amores.
Ginpahayag ni PBA Commissioner Willie Marcial, nga matapos nga mabaton nila ang desisyon nga pirmado ni GAB Chairman Atty. Francisco Rivera, ila gilayon ini nga ipatuman.
Yara sa idalom sang GAB ang PBA rason nga importante ang nasambit nga pagsunod sini.
Matandaan nga temporaryo nga nakahilway si Amores kag ang utod sini matapos nga maulamid ang mga ini sa pagpamaril sa Laguna.
Una na nga ginpatawan si Amores sang one-conference ban. Tuig 2022 sang maulamid na man si Amores sa gamo sang ini ang varsity player sang Jose Rizal University kag ginsumbag ang player sang College of St. Benilde rason nga na ban ini sa NCAA.
