PBBM, bukas sa sa mga hagna nga ginaduso angot sa paglimit sang paggamit sang social media sang mga menor de edad

Bukas si President Ferdinand Marcos Jr. sa mga hagna nga ginaduso angot sa paglimit sang paggamit sang social media sang mga menor de edad agud maproteheran sila sa mga katalagman kaangay sang cyberbullying kag mental health issues.

Suno kay Palace Press Officer USec. Claire Castro, nakit-an sang administrasyon ang kinahanglanon nga i-review ang pag-access sang mga kabataan sa social media, kaangay sang istrikto nga implementasyon sang pila ka mga pungsod kaangay sang Australia, France, kag United Kingdom.

Dugang pa sini, lakip man sa gin-istoryahan amo ang epekto sang sobra nga paggamit sang pila ka mga online application sa mga pamatan-on, partikular na ang pagkaadik sa mga bayolente nga online games.