Dismayado si Presidente Ferdinand Marcos Jr. matapos gin-usisa ang nagalala nga kondisyon sang rock shed project sa Camp 6, Barangay Camp 4, Tuba, Benguet sang Dominggo.
Ginhatagan pagtamod ni Presidente Marcos ang epekto sang pagpasirado sa mga lokal nga negosyo.
Ginsiling sini nga ginabulubanta 35% sang palangabuhian sang mga pumuluyo sang Benguet ang nadula.
Ginpahayag sang Presidente nga magluwas sa halit sa lokal nga ekonomiya, nagtuga man ini sang physical damage sa lugar.
Ang palangabuhian sang mga tawo nahalitan sing daku bangod ang mga pundo nga dapat himuon nga sulundan kag masaligan sang imprastraktura gin-agaw sang mga korap.
Nagpasalig si Presidente Marcos nga antes siya maghalin sa pwesto, resolbahon niya ang nasambit nga isyu.
Ang P264-million nga rock shed project sa higad sang Kennon Road ang gindesinyo agud maproteksyunan ang mga motorista sa mga rockfalls.
Apang, ang integridad sang estraktura kwestyonable.
Ginmulay man ni Presidente Marcos ang rock netting project nga gintawag niya nga “shady deals.”
Maathag nga ginpahayag sang Presidente nga 75% sang kontrata ang ginbulsa sang mga korap nga indibidwal.
