Gintapos ni President Ferdinand Marcos Jr ang iya State of the Nation Address (SONA) paagi sa panawagan sa mga Pilipino nga magpabilin nga malig-on kag mag-isa sa atubang sang mga pamahog sa seguridad sang pungsod.
Ginhingyo sang Presidente ang mga Pilipino nga magtindog kag magtingob sa tunga sang mga pagpanghangkat sa sulod kag sa luwas sang pungsod.
Ginhatagan man niya sang importansya nga apisar nga indi palareho ang kada isa, ang tanan may pareho nga identity bilang mga Pilipino.
Kasunod ini sang pagpagwa sang AI-animated video sang China Daily kag ginreport nga mga insidente sang ginaalegar harassment sang China batok sa mga sakayan pandagat sang Pilipinas sa West Philippine Sea.
Sa iya speech, ginlaragway ni Marcos ang mga Pilipino nga may prensipyo, mabuot, matinahuron
Pahayag pa niya, indi dalok, indi racist kag indi butigon ang mga Pilipino, kundi may yara sang respeto kag dignidad.
Gintapos sang Presidente ang ini nga bahin sang iya mensahe paagi sa pahayag, nga “We are Filipinos, and we not yield,” nga ginsundan sang mabaskog nga palakpak kag ikaduha nga standing ovation gikan sa mga nagtambong sa SONA.
