Ginpangunahan ni President Ferdinand Marcos Jr. ang paghimay sa 2025 proposed national budget.
Ini matapos gin-meeting sang Presidente ang iya economic managers kag si Executive Secretary Lucas Bersamin.
Base sa laragway nga ginpadala sang Presidential Communications Office (PCO) makit-an nga nagaatubangay sa isa ka long table sa Malakanyang sanday President Marcos kaupod sanday Budget Secretary Amenah Pangandaman kag Finance Sec Ralph Recto, DPWH Sec Manuel Bonoan kag NEDA Sec Arsenio Balisacan.
Una na nga ginpahayag ni Bersamin nga may mga line item kag probisyon sang national budget bill ang iga-veto ni President Marcos, para sa interest sang mga Pilipino, santo sa fiscal policy kag sandig sa kasuguan.
Yara sa P6.352 trillion ang hagna nga national budget para sa masunod nga tuig.
Una na nga ginbuyagyag ni Bersamin nga indi madayon sa Disyembre 20, 2024 ang pagpirma sang Presidente sa national budget.
Wala naman ginpahayag sang Malakanyang kun san-o ang pagpasalayi sa General Appropriations Bill.
