PBBM, gin-veto ang hagna para sa naturalization sang Chinese National nga si Li Duan Wang

Gin-veto ni Pangulong Ferdinand Marcos Jr ang hagna nga nagahinyo agud mangin naturalized Filipino citizen ang Chinese national nga si Li Duan Wang.

Ini ang ginkumpirmar ni Palace Press Officer USec. Claire Castro.

Nahibaluan nga si Li Duan Wang ang kilala man bilang Mark Ong nga madugay na nga nagaistar sa Pilipinas halin pa sadtong 1991.

Apang si Li Duan ang nagapangatubang sa kontrobersiya, bangud sa ginapahayag pagkaulamid sini sa POGO.

Base sa report, siya ang nangin incorporator sang isa ka POGO service provider.

Kun madumduman, ginkontra ni Senator Risa Hontiveroz ang hagna nga nagahatag sang Filipino Citizenship kay Li Duan.

Si Hontiveros ang nagbuyagyag sa senate hearing sang pagkaulamid ni Li Duan sa POGO.