Ginaduso ni President Ferdinand Marcos Jr., sa Kongreso ang temporaryo nga pag-untat sang pagpatuman sang Real Property Valuation and Assessment Reform Act (Republic Act No. 12001) agud malikawan ang dugang nga gasto para sa mga negosyo, ma-engganyo ang investment, kag masiguro nga matalunsay nga transisyon sa bag-o nga sistema sang pagbalor sang propiedad.
Ini ang pahayag sang Presidente kadungan sang pagsinapol sang Legislative-Executive Development Advisory Council (LEDAC) nga ginhiwat sa Malacañang sang Agosto 6.
Suno kay Palace Press Officer Claire Castro, tinutuyo sang nasambit nga proposal nga mahatagan sang nagakaigo nga panahon ang pagpatuman sang bag-o nga valuation system.
Sa pagsinapol sang LEDAC kahapon, 24 ka mga prayoridad nga tikang nga ginatarget nga mapasar antes matapos ang Hunyo 2027 ang gintalakay.
“Ginduso ni Presidente Ferdinand Marcos Jr. sa duha ka panimalay sa tion sang miting sang LEDAC sang Agosto 6, 2026, ang temporaryo nga pagsuspinde sang implementasyon sang Real Property Valuation and Assessment Reform Act ukon Republic Act No. 12001 (RPVARA) agud malikawan ang dugang nga gasto nga may kaangtanan sa propiedad para sa mga negosyo, suportahan ang mga pamuhunan, kag masiguro ang makatarunganon kag amat-amat nga pagbalhin agud sistema sang pagbalor,” pahayag ni Undersecretary Claire Castro.
