Ginsiguro sang Malacañang nga manabat ang mga yara sa likod sang tanim-bala scheme sa Ninoy Aquino Internatiobal Airport (NAIA) pananglitan mapamatud-an nga nagbalik na naman ang modus nga ini sa mga paluparan.
Pahayag ni ni Communications Usec Claire Castro, kasunod sang nagaviral nga video sa social media, kun sa diin ginpamalabagan ang bagahe sang isa ka senior citizen sa paluparan sadtong March 6, matapos nga kakitaan sang bala ukon anting – anting sa iya nga gamit.
Sa press briefing sa Malacañang, ginpahayag sang opisyal nga indi maayo kun maliwat na naman ang modus nga ini, ilabi na kun turista ukon kapwa Pilipino ang mabiktima.
Pagsiguro ni Castro nga indi suno ini pagpasugtan ni Presidente Marcos.
Pahayag sang opisyal, sa oras nga matapos nga ang madalom nga imbestigasyon sa insidente, kag mapamatud-an nga may yara sang mga pila nga nag-apinay para dito, makasalig ang publiko nga bayluan ang mga ini sa serbisyo.
