Gindepensahan ni President Ferdinand Marcos Jr. si Senator Francis ‘Chiz’ Escudero batuk sa mga kritisismo nga gin-alegar nga ginpadugay sini ang una nga impeachment proceedings batuk kay VP Sara Duterte.
Suno sa Presidente, opinyon lang ini nga mga alegasyon kag wala nagapakita sang ikasarang ni Escudero sa pagpanguna sa impeachment trial.
Ginpahayag man ni Marcos nga ang pagsuspinde sang impeachment proceedings ang bangud sa desisyon sang Korte Suprema sang Pilipinas kag indi bangud sa pagpamuno ni Escudero.
Dugang pa sang Presidente nga ang mga pagsulundan nga ginpatuman sang Senado para sa impeachment proceedings ang ginpreparar ni Escudero base sa mga proseso sa mga nagligad nga kaso sang impeachment.
Ang pahayag ni Marcos kasuno sang ginpahayag ni Senator Panfilo Lacson nga si Escudero ang magaserbe bilang presiding officer sa impeachment trial ni VP Sara sa Hulyo 6, samtang nagapanindugan naman ang House Prosecution Panel nga ginarespeto nila ang desisyon sang Senado.
