Pbbm, ginklaro nga wala sang malubha nga sakit

Nagbalik na sa iya adlaw-adlaw nga buluhaton kag pag-ehersisyo si Presidente Ferdinand Marcos Jr., kag maayo ang iya kondisyon.

Gin-athag sang presidente nga wala ini sang problema sa iya ikaayong lawas kag padayon ang iya pagka-aktibo, baliskad sa mga ginahambal sa social media nga may malubha nga balatian.

Ginpanugyanan si Marcos nga maglikaw sa matatambok nga pagkaon.

Nagpaandam man ini sa publiko nga indi gilayon magpati sa mga nagalapta sa social media tuhoy sa iya kondisyon.

Ginpasalamatan man sini ang mga nagakabalaka sa iya kag ginpasalig nga wala sila sang dapat kabalak-an.