Ginmando ni Presidente Ferdinand Marcos Jr ang 24/7 nga operasyon sang New Urgent Care and Ambulatory Service.
Luyag sang presidente nga ang sentro maghatag sang serbisyo para sa tanan nga dinalian nga kinahanglanon sa medisina kag pag-atipan sa ikaayong lawas.
Ini ang pahayag ni Marcos kadungan sang inagurasyon sang Region 1 Medical Center Cancer Institute sa syudad sang Dagupan.
Ginhatagan pagtamod sang presidente nga ang balatian ang wala nakahibalo sang tion kag panahon, gani kinahanglan nga mangin preparado pirme.
Sa subong, may mga tatlo na ka mga sentro sang BUCAS ang naga-operate sa rehiyon sang Ilocos.
Lakip sa mga serbisyo nga ginatanyag sang BUCAS center amo ang minor surgeries, adult and pediatric immunizations, dental services, kag iban pa.
Base sa datos, masobra 800,000 ka mga Pinoy ang nahatagan sang serbisyo sang BUCAS centers, ilabi na sa malayo kag maligwin nga mga lugar.
