Ginsiguro ni Pangulong Ferdinand Marcos Jr. nga nakatutok ang gobyerno sa sitwasyon, kag epekto sang Bagyong Enteng sa nagkalain-lain nga lugar sa pungsod.
Sa ambush interviews sa Malacañang, ginsiling ni Marcos nga magluwas sa hugot nga monitoring ginmandun sini ang mga ahensya sang gobyerno nga temprano pa magpaguha sang bulletin suspensions.
Luyag sini nga antes magkatulog ang publiko, mahibaluan na kung may yara sang klase sa mga eskwelahan ukon trabaho pagka-aga agud madali sila nga maka-adjust.
May yara man suno diri nga standard operating procedure nga ginasunod ang mga ahensya sa tion nga may bagyo.
Kaangay na lamang sa mga klase sa eskwelahan nga ang mga Local Government Unit (LGU) ang nagdesisyon magluwas na lamang kung may region-wide assesment.
Sa mga trabaho naman, ang lantawon suno diri sang gobyerno antes magsuspende kung mabudlayan nga magsulod kag magpauli ang mga empleyado.
Ginpahayag sang Pangulo nga naka-preposition na ang mga bulig nga igapanagtag sang gobyerno sa mga posible maapektuhan sang Bagyong Enteng.
