Ginmanduan ni President Ferdinand Marcos Jr ang Deprtment of Health (DOH) nga aksyunan ang nagataas nga kaso sang HIV sa pungsod.
Suno kay Health Secretary Ted Herbosa, hugot ang bilin ni President Marcos nga padasigon ang paghatag sang serbisyo pinaagi sa mas madasig nga proseso sa mga nagapanguna nga ospital nga padulungan sang mga indibidwal nga may HIV.
Ginhatagan pagtamod sang tiglikom nga pinaagi sa nasambit nga sistema masiguro ang regular nga pagkunsulta sang mga may ara sang HIV.
Pasangkaron man sang DOH ang ila nga kampanya nga kakason sa paminsaron sang publiko ang stigma sang pag-angkon sang HIV.
Base sa datos sang DOH yara sa 57 ka kaso ang nabalhag kada adlaw halin sadtong bulan sang Enero tubtob sini nga Marso ukon sa una nga quarter sang tuig.
Suno pa sa tiglikom nga subong may mga bulong na kag ini makamamatay ang nasambit nga sakit basta regular ang pagkunsolta kag pag-inom sang bulong.
Bangud sini, ginsiling ni Herbosa nga ginpasangkad sang DOH ang paghatag sang libre nga anti-retoviral ukon ARV drugs sa mga indibidwal nga nagakabuhi nga may HIV.
Sa pihak nga bahin, ginhatagan pagtamod ni Herbosa nga panahon naman agud amyendaran ang layi para batuan ang HIV.
