Ginpangunahan ni President Ferdinand Marcos Jr. ang Joint National and Regional Peace and Order Council (NPOC-RPOC) Meeting para sa ikaduha nga semestre sang 2026 agud istoryahan ang mga tikang agud mapabilin ang kalinong kag seguridad sa pungsod.
Ginmanduan sang Presidente ang mga natungdan nga ahensya kag lokal nga gobyerno nga hugtan ang seguridad sa mga eskwelahan kag ipatuman ang transparent nga proseso sa pagreport kag pagresponde sa bullying, kalakasan kag emerhensya.
Ginsuhestyon man si Pres. Marcos nga tun-an ang eksperyensya sang iban nga pungsod sa pag-regulate sang paggamit sang social media sang mga pamatan-on.
Samtang, ginreport nga naglab-ot sa 55,375 ka mga persons deprived of liberty (PDLs) ang ginbuy-an halin Enero tubtob Setyembre 2026 paagi sa paralegal services.
Gintalakay man sa sinapol ang pagpabaskog sang police visibility, pagpadasig sang emergency response kag pagpaayo sang anti-crime measures agud maproteksyunan ang mga komunidad kag mapabilin ang katawhay sa pungsod.
