Kaangay nga ginpatubigan ni Pangulong Ferdinand “Bongbong” Marcos, Jr., ang pila ka mga kandidato matapos ginpabugal sini ang iya Alyansa Para sa Bagong Pilipinas senatorial slate sa pag-arangkada sang ila campaign rally.
Sa iya nangin mensahe sa nasambit nga campaign rally, maisog nga ginsiling ni PBBM nga wala suno diri sa iya senatorial line up ang may mantsa sang dugo dala sang kontrobersyal nga kampanya kontra droga sadtong nakaligad nga administrasyon ni anay Pangulong Rodrigo Duterte.
Ginsiling man sini wala sa iya mga linyada ang kaupod sa nagbulsa sa sinako nga kwarta, naghimulos sa krisis sang pandemya, kag ginpabay-an ang mga Pilipino nga magmasakit tubtob nga mapatay.
Diretso man nga ginkumparar ni PBBM sa iya 12 nga mga pambato nga wala suno sa ila ang nagapalakpak sa China kag nagakasadya sa tion nga ginabombahan sang tubig ang mga Pilipino kung sa diin gina-igo ang mga Coast Guard, ginabalabagan ang mga manugpangisda, ginakuha ang mga nadakpan nga isda kag magluwas pa diri gina-agaw ang isla agud mangin kabahin sang ila pungsod.
Dugang pa sini nga wala man sa iya linyada ang kaangay sakristan sang isa ka propeta nga ginpasibangdan bangud sa pagdugmok sa mga kabataan ilabi na sa kababainhan.
Subong man wala sa ila ang promoter sang pugad sang krimen kag sentro sang pagpangbastos sa mga kababainhan.
Kaangut sini, ginpanawagan man ni Marcos sa iya mga pumuluyo sa Ilocos Norte ang pagboto sa iya senatorial slate nga bitbit sang iya administrasyon.
