Nagapati si Presidente Ferdinand Marcos Jr., nga mabudlay na nga makabuo sang quorum agud talupangdan ang gin-file ngs impeachment complaint batuk kay Vice President Sara Duterte.
Sa isa ka interbyu kay Marcos, sang ara ini sa Leyte, iya nga ginsiling nga malapit na ang campaign period kag busy na diri ang mga kongresista kag mga senador sa pagpangampanya.
Buot silingon, wala na suno sang mga kongresista kag senador nga ginatutok ukon magahatag sang tion para masabtan ang mga reklamo nga impeachment bangud sigurado nga magakampanya na ang mga ini.
Pahayag sang Presidente, para sa iya indi ini ang tamang timing ukon tion agud istoryahan ang impeachment.
Samtang, sang-ayon man si Presidente Ferdinand Marcos Jr., sa nangin opinyon kag paninindugan ni Chief Presidential Legal Counsel, Secretary Juan Ponce Enrile angut sa posible nga mangin precedent kun wala ginpabay-an nga mag-gana ang nakasaad sa saligang batas nga may kaangtanan sang mga ginaduso nga impeachment complaint batuk kay Vice President Sara Duterte.
Dugang pa ni PBBM nga si Enrile ang isa sa best legal thinkers sa pungsod. Siling sang Punong Ehekutibo nga matuod naman suno ang obserbasyon ni Enrile nga mandato sang KAmara kag Senado nga pamatian ang mga reklamo nga impeachment batuk kay VP Sara.
