Ginpanginbulahanan ni Presidente Ferdinand Marcos Jr, si Alex Eala matapos makalab-ot sa final sang Lexus Eastbourne Open, nga nangin pinakauna nga Pinay nga nakalab-ot sa Women’s Tennis Association (WTA) 250 singles final.
Apisar nga napierde sa mabudlay nga tatlo ka set nga hampang sa Australian batuk kay Maya Joint, ginpalab-ot sang Presidente kay Eala nga ang iya kadalag-an ang umpisa pa lang sang isa ka madinalag-on nga karera.
“Kep going, your best is yet to come,” siling ni Marcos, samtang nagapabutyag sang pagpasalamat sa iya kadalag-an nga naghatag sang kadungganan sa bug-os nga pungsod.
Ginpaambit man sang Presidente nga ang pagsulod ni Eala sa final isa ka daku nga kadalag-an para sa Pilipinas.
Samtang, ang masunod nga hampang ni Eala ginalauman nga sa Wimbledon, sa diin atubangon niya ang defending champion nga si Barbora Krejcikova sang Czech Republic.
