Ginkumpirmar ni Presidente Ferdinand Marcos Jr., nga makapauli na sang Pilipinas ang Pinay drug mule convict nga si Mary Jane Veloso, matapos ang masobra sa isa ka dekada nga pagpakig-angut kag apelar sa Indonesian government.
Si Veloso ang ginpamatbatan sang parusa nga kamatayon sa Indonesia.
Ginsiling sang Presidente nga sa sobra isa ka dekada nga pagtinguha nga i- delay ang execution kay Mary Jane sa karon, nagbunga na sa wakas nga tayuyon nga masalbar ang kabuhi ni Veloso.
Kaangut sini, nagpaabot si Presidente Marcos kay Indonesian President Prabowo Subianto sang taos puso sini nga pasasalamat amo man sa gobyerno sang Indonesia sa kaayo sini.
Ang tikang sang Indonesia suno sa Presidente ang nagapakita sa dalom sang relasyon sang duha ka pungsod bilang magkaalyado nga nasyon kag nagahiliusa sa ginatuyo para sa kinamatarong kag malasakit.
Gindugang man sang Presidente nga ang istorya ni Mary Jane ang nagatagos sa tagipusuon sang kadam-an, isa ka iloy nga naigpit sa kapigaduhon nga nakahimo sang isa ka desperado nga desisyon nga nagbag-o sa dalagan sang iya kabuhi.
Apisar ginapanabat si Maryjane Veloso sa idalom sang layi sang Indonesia, ginsiling sang Presidente nga nagapabilin ini nga biktima sang sirkumstansiya.
