Nagpalab-ot sang mensahe si President Ferdinand Marcos Jr kon sa diin ginhatagan sini sang importansya nga sa pihak sang krisis sa enerhiya nga na-eksperyensyahan sa pungsod, indi dapat mag-untat ang operasyon sang gobyerno.
Suno sa Presidente, padayon pa nga ginaobra sang gobyerno ang mga importante nga serbisyo kaangay sang pagtukod kag pagkay-o sang mga dalan, paghatag sang serbisyo sa ikaayong lawas sa mga nagamasakit, kag pagsuporta sa mga estudyante.
Ginpasalig man sini nga magapadayon sa pag-operate ang tanan nga ahensya sang gobyerno agud mahatag ang serbisyo sa publiko.
Ginhatagan pagtamod sang Presidente nga ang mga mayor nga programa sang gobyerno padayon nga ginaduso bisan sa tunga sang krisis, bangud tuyo sini nga magdala sang positibo nga mga pagbag-o sa kabuhi sang mga Pilipino.
