Ginpahayag ni Presidente Ferdinand R. Marcos Jr. nga handa siya nga ihatag ang iya nga Statement of Assets, Liabilities, and Net Worth (SALN) sa sin-o man nga lehitimo nga ahensya nga magpangayo sini, kaangay sang Office of the Ombudsman kag Independent Commission for Infrastructure (ICI) nga sa subong nagapangusisa sa mga iregularidad sa mga flood control project.
Suno sa Presidente, ginkakibot niya nga halos indi na makuha ang SALN sang mga opisyal sa idalom sang tinalikdan nga administrasyon. “Babalik lang tayo sa dating patakaran kung saan mas madali ang access sa SALN,” siling ni Marcos.
Ginsiling man ni Presidente Marcos nga kun hingyuon sang Ombudsman ukon ICI ang iya nga SALN, gilayon niya ini nga ihatag. Madumduman nga sang damlag lang, ginkakas sang bag-o nga Ombudsman Jesus Crispin Remulla ang mga limitasyon sa pag-access sang publiko sa SALN bilang kabahin sang pagpabaskog sa transparency sa gobyerno.
Nagapati ang Presidente nga nagakadapat lamang buksan ang SALN sa mga opisyal sang gobyerno agud malikawan ang kun ano man nga mga pagduda.
Nagbaskog ang panawagan sa pagbukas sang SALN sa mga opisyal sang gobyerno kasunod sang imbestigasyon sa kontrobersyal nga flood control projects.
