Ginpahayag ni Presidente Ferdinand Marcos Jr. nga nagabutig si anay presidente Rodrigo Duterte may kaangtanan sa alegasyon sini nga may ginpirmahan nga blangko sa 2025 national budget.
Sa ambush interview sa Taguig City, ginsiling sang presidente nga bal-an ni Duterte bilang anay presidente nga indi pwede nga magpasa sang General Appropriations Act nga may blangko nga items.
Nakahibalo man suno si Duterte nga wala pa natabo ang kasubong nga insidente sa kasaysayan sang Pilipinas.
Dugang pa ni PBBM, maathag nga nakasaad sa GAA ang kada programa kag proyekto kag kun pila ang alokasyon sa mga ini.
Kaangay sang nauna nga pahayag ni ES Lucas Bersamin, may yara naman nga kopya sang GAA sa website sang DBM kag pwede nga pangitaon kag usisaon ang ginasiling ni Duterte kag mga kaalyado sini nga mala-“blank check” agud mahibaluan nga indi ini matuod.
“He’s lying. He’s a President. He knows that you cannot pass a GAA with a blank. He’s lying. And he’s lying because he knows perfectly well that that doesn’t ever happen. Sa buong, sa kasaysayan ng buong Pilipinas, hindi pinapayagan na magkaroon ng item ang GAA na hindi nakalagay kung ano yung project, at saka ano yung, yung gastos, ano yung pondo. So, it’s a lie.
We, ah, I was watching the news earlier today and people were saying, it’s 4,000 pages. Papaano namin bubusisiin yan. Para titingnan namin iisa-isa. Hindi na lang. Meron namang kopya, that’s available on the website of the DBM. Tingnan nyo, huwag na ninyo busisiin isa isa. Hanapin niyo yung sinasabi nila na blank check. Tignan nyo kung meron kahit isa. Para mapatunayan na tama ang sinasab kong kasinungalingan yan, That’s my reaction,” pahayag ni PBBM.
