-- ADVERTISEMENT --
Luyag ni President Ferdinand Marcos Jr. nga maaresto “at all costs” si former Ako-Bicol Partylist Representative Zaldy Co, suno kay Interior Secretary Jonvic Remulla.
Suno kay Remulla, natalana ini nga magpadulong sa France agud magbulig sa pagpangita kag pagpabalik sa Pilipinas kay Co nga ginakabig nga mastermind sa multi-billion flood control scam.
Ginpahayag ni Remulla nga nahibaluan na nila subong ang nahamtangan kag address ni Co kag kumpyansa ini nga mapabalik ini sa pungsod.
Apang ang proseso ginabulubanta nga magalab-ot sa duha ka semana.
Nagalaum man si Remulla nga may i-isyu nga Interpol Red Notice batok kay Co, samtang padayon ang koordinasyon sang mga otoridad sa pagpangita sa anay mamalidha.
-- ADVERTISEMENT --
