Ginkumpirmar ni President Ferdinand Marcos Jr. nga may napili na siya nga kabaylo ni Sec. Benhur Abalos bilang sekretaryo sang Department of the Interior and Local Government (DILG).
Sa isa ka ambush interview sa Presidente sa Capaz, Tarlac ginpahayag nga duha ka pangalan ang iya ginakonsiderar.
Nagpamalibad naman ang Presidente nga ituad kung sino ang masunod nga sekretaryo sang DILG.
Suno kay PBBM, nga iya iga-anunsyo ang masunod nga sekretaryo sa tion nga maka-file na sang certificate of candidacy si Abalos.
Mahibaluan nga naglutaw ang pangalan ni Surigao del Norte Rep. Robert Ace Barbers nga mangin sekretaryo sang DILG.
Bukas si Barbers sa anu man nga posisyon sa gobyerno kung tan-ayan sini.
Si Abalos nagpahayag nga magpadalagan sa 2025 midterm elections sa idalum sang Alyansa sa Bagong Pilipinas.
