Nagmando si President Ferdinand Marcos Jr. sang maid-id nga imbestigasyon sa nagluntad nga lukpanay sa sulod sang Senate Building, kag gin-athag nga wala sang direktiba halin sa gobyerno nga dakpon si Senador Ronald dela Rosa.
Sa isa ka video statement, ginpahayag ni President Marcos nga masobra duha ka oras niya nga ginmonitor ang insidente kag ginpakig-angutan si Interior Secretary Jonvic Remulla kag NBI Director Melvin Matibag nga lunsay nagpanginwala nga ang ila mga hanay ang may kahilabtanan sa pagpalupok sa sulod sang Senado.
Suno sa Presidente, ginmanduan sini ang NBI agents nga maghalin sa lugar pasado alas-4 sang hapon matapos nga wala ginpasugtan sang Korte Suprema ang request para sa temporaryo restraining order may kaangtanan sa pag-aresto kay Dela Rosa, kag ginpahayag nga nagsunod man ang mga ini.
Dugang pa niya, nga wala pa sang existing warrant agud arestuhon ang si Senador Bato.
Gin-athag man sini, nga ang presensya sang nagkalain-lain nga uniformed personnel sa sulod sang Senado, lakip na ang Philippine National Police para sa crowd control, Marines as a permanent security detachment, kag Senate sergeant-at-arms personnel nga responsable sa building security.
Nagpanindugan man siya nga indi gobyerno ang yara sa likod sang lukpanay sa sulod sang senado
Matandaan nga nagapangatubang sang arrest warrant gikan sa International Criminal Court si Dela Rosa may kaangtanan sa kaso sang crimes against humanity may kaangtanan sa kampanya kontra droga sang ini pa ang hepe sang Philippine National Police.
