Nagmando si President Ferdinand Marcos Jr. sa law enforcement agencies sa Zamboanga City ang maid-id nga imbestigasyon may kaangtanan sa maduguon nga insidente sang pagpangluthang sa Ateneo de Zamboanga University agud matumod ang mga kakulangan kag hibaluon kon ano pa ang mahimo agud malikawan ang pagbalik sang sini nga trahedya.
Nagpalab-ot man si President Marcos sang iya pagpakig-unong sa mga pamilya kag sa bug-os nga komunidad sang Ateneo de Zamboanga nga naapektuhan sang trahedya.
Ginhatagan pagtamod ni Castro nga ang mga eskwelahan dapat mangin luwas nga Lugar kon sa diin ang mga estudyante makatuon sang maayo Kag maghandum sang Wala ka hadlok.
Maluwas sa seguridad, ginhatagan man importansya ni Castro ang importante nga papel sang mga ginikanan kag mga manunudlo sa paggiya sa mga pamatan-on.
Pahayag pa niya nga responsibilidad sang tanan., gobyerno, mga eskwelahan, mga ginikanan kag ang komunidad nga maghimo sang mas luwas nga palibot para sa mga estudyante kag malikawan ang mga insidente nga mahimo magdul-ong sa isa pa ka trahedya.
