Nagpalab-ot sang pagdayaw si Presidente Ferdinand Marcos Jr. kasunod sang opisyal nga pagpanumpa sa pwesto ni US President Donald Trump bilang ika-47 nga presidente sang Estados Unidos.
Sa mensahe sang Presidente, gindayaw man ni Marcos ang mga pumuluyo sang US, para sa isa na naman nga malinong nga pagbalhin sang liderato sang gobyerno.
Suno kay PBBM,” looking forward” nga ang iya administrasyon nga maka-trabaho ang Trump Administration.
Nagalaum man si Marcos para sa mas mapinuslanon nga pagpakig-angut kay Trump kag sa iya administrasyon.
Dugang pa sini nga ang mapag-on kag madugay nga alyansa sang Pilipinas kag Amerika, magapadayon sa kapareho nga vision sang pag-umwad kag ang seguridad sa rehiyon.
“Congratulations to POTUS @realdonaldtrump and to the American people on another peaceful transfer of power in their Nation’s nearly 250-year history. I look forward to working closely with you and your Administration. The strong and lasting PH-US alliance will continue to uphold our shared vision of prosperity and security in the region,” mensahe ni PBBM.
