Nagpalab-ot sang hugot nga pagtamyaw si Presidente Ferdinand Marcos Jr. sa bag-o nga Prime Minister sang United Kingdom nga si Keir Starmer kag sa Labour party nga nagmadinalag-on sa katatapos lang nga 2024 general election.
Sa iya social media account nga X, ginpahayag man sang Presidente nga ginahandum sini ang kadalag-an sang bag-o nga gobyerno sang UK kag nagalaum nga mas mapabaskog pa kag mapadugay ang relasyon sang Pilipinas kag UK.
Natukod ang diplomatic ties sa tunga sang Pilipinas kag UK sadtong July 4, 1946 base sa statement nga ginpaguha sang Presidential Communications Office.
Pormal na nga ginaduso sang UK kag PH ang pagpabaskog pa sang defense, maritime kag trade ties sa idalum sang enhanced partnership agreement sadtong Agosto 2023 sa tunga sang mga nagaguha nga mga geopolitical kag economic challenges nga gina -atubang sa rehiyon.
Suportado man sang UK ang posisyon sang PH sa isyu sa West Philippine Sea nga isa man sa komondena sa delikado kag escalatory tactics sang Chinese vessels batok sa PH.
