Naghatag sang mensahe si President Ferdinand Marcos Jr. sa mga pamatan-on, estudyante, kag ginikanan matapos ang sunod-sunod nga trahedya nga nagluntad sa pila ka eskwelahan sa Pilipinas.
Nagpanawagan ang Presidente sang kolektibo nga aksyon agud maprotektahan ang mga pamatan-on batok sa kalakasan, pagpatumbaya, kag iban pa nga katalagman.
Suno sa iya, ang eskwelahan dapat mangin lugar sang pagtuon, pagdevelop sang mga handom, kag pag-uswag, indi lugar nga ginakabalak-an sang mga ginikanan ang safety sang ila mga kabataan.
Samtang, ginmanduan man ni President Ferdinand Marcos Jr. ang mga ahensya sang edukasyon, kapulisan, ikaayong lawas, kag lokal nga panguluhan nga labi pa nga pabaskugon ang mga tikang para sa kaluwasan sang mga estudyante sa bug-os nga pungsod.
Gin-engganyo man ni Marcos ang mga ginikanan nga hatagan sang tion, atensyon, kag paghangop ang ila mga kabataan bangud diri nagasugod ang matuod-tuod nga proteksyon.
Ginhatagan man importansya sang Presidente nga ang pagpangayo sang bulig indi patimaan sang kaluyahon.
