Nakakuha si President Ferdinand Marcos Jr. sang $3.4 billion ukon masobra P210 billion nga investment commitments gikan sa Japanese company pagkatapos sang iya high-level meeting sa Imperial Hotel sa Tokyo.
Suno sa Presidential Communications Office, ginalauman nga makahatag ini sang dugang nga trabaho, pag-uswag sang industriya, pagpauswag sang supply chain kag imprastraktura sa turismo, kag mas madasig nga paggamit sang teknolohiya sa nagkalainlain nga sektor.
Ginpabutyag man ni Marcos ang importansya sang mabaskog nga economic partnership sang duha ka pungsod agud maatubang ang mga problema sa pangkalibutan nga ekonomiya.
Nagpasalamat man si Marcos sa padayon nga pagsalig sang mga Japanese companies sa ekonomiya sang Pilipinas kag ginpasiguro nga padayon ang tikang sang gobyerno para mapabilin ang maayo nga kahimtangan para sa mga investors.
