-- ADVERTISEMENT --
Nagpamalibad si President Ferdinand Marcos Jr nga maghatag sang mga detalye may kaangtanan sa pagpauli kay Mary Jane Veloso sa pungsod.
Ginpahayag ni President Ferdinand Marcos Jr nga ginhambalan sila sang gobyerno sang Indonesia nga indi anay magpaguwa sang anuman nga anunsyo angut diri.
Ini tubtob wala pa naplastar ang tanan nga detalye para sa pagpauli ni Veloso.
Suno sa Presidente, igarespeto nila ang hinyo nga ini sang gobyerno sang Indonesia.
Una na nga ginpaguwa sang Indonesian government nga wala sila sang kondisyon nga igapatuman kag luyag man sini nga mapauli na si Veloso antes mag-Paskwa.
-- ADVERTISEMENT --
Sa bahin naman sang gobyerno sang Pilipinas, una naman nga ginpahayag sang Department of Foreign Affairs nga pabay-an na anay sila nga magtrabaho.
