Ginkumpirma sang Palasyo nga pa-imbestigaran ni Presidente Ferdinand Marcos, Jr. ang reklamo sang mga customer sang kumpanya sang PrimeWater bangud sa mataas nga pagsuluktan kag manubo nga kalidad sang serbisyo sa pila ka mga lugar sa Bulacan.
Suno kay Palace Press Officer USec., Claire Castro, wala sang lugar sa administrasyon ni Marcos, Jr. bisan ano nga kakulangan sang serbisyo.
Ginhatagan man pagtamod sang Palasyo nga kinamatarong sang publiko ang pag-angkon sang matinlo kag bastante nga suplay sang tubig, kag indi dapat gamiton sa negosyo.
Ginsiling ni Castro nga ang kinahanglanon sang tawo para sa matinlo kag bastante nga suplay sang tubig isa ka lehitimo kag indi isa ka kinahanglanon sa negosyo, kag dapat ini magserbisyo sa kinahanglanon sang mga pumuluyo.
Ang PrimeWater isa ka kompanya nga ginapanag-iyahan sang pamilya Villar.
Suno kay Castro, dapat gilayon nga aksyonan sang kumpaniya agud masolusyunan ang mga isyu nga ginareklamo sang mga apektado nga kustomer.
