Pangunahan ni President Ferdinand Marcos Jr. ang pinakadaku nga mass oath-taking kag promotion sang kapin 9,000 ka mga manunudlo sa Western Visayas subong nga adlaw, alas-8 sang aga sa Villareal Stadium, Roxas City.
Lakip man sa mga magatambong si Department of Education Sec. Sonny Angara.
Sa interview sang Bombo Radyo kay Mr. Hernani Escullar Jr., spokesperson sang Department of Education Region 6, iya ginpahayag nga ginalauman ang 8,829 ka mga manunudlo gikan sa nagkalain-lain nga Schools Division Offices sa Western Visayas lakip na ang Capiz, Aklan, Antique, Guimaras, Iloilo, Iloilo City, Passi City, kag Roxas City.
Suno kay Escullar, ang mass oath-taking kabahin sang mas malapad nga inisyatibo sang administrasyon agud mapadasig ang career advancement sang mgamanunudlo sa public schools sa pungsod.
Pahayag pa niya, tinutuyo man sang nasambit nga amo ang masulosyunan ang madugay na nga isyu sang limitado nga oportunidad sang mga public school teachers.
Nahibaluan nga ang nasambit nga aktibidad ang sa idalum sang Expanded Career Progression System sang gobyerno, para sa mass promotion sang mga manunudlo kag school heads base sa performance.
